Auka lífslíkur um 4,9 ár eða 33 ár

    Það er vissulega ánægjuefni að nýjar læknismeðferðir geti lengt lífslíkur fólks. Sérstaklega vegna þess að læknar vara yfirleitt við óhefðbundnum lækningum, þar með talið aðferð sem kennd er við Harry Hoxsey og naut töluverðra vinsælda í Bandaríkjunum þar til heilbrigðisyfirvöld að áeggjan lyfjafyrirtækja stöðvuðu starfsemi hans með þeirri tilliástæðu að hann notaði ekki vísindalega sannaðar aðferðir, það að aðferðir hans virkuðu mun oftar en hefðbundnar aðferðir virtist vera algjört aukaatriði. Þegar hann var stoppaður af bað hann sinn nánasta samstarfsmann hjúkrunarkonuna Mildred um að fara til Mexiko og halda starfinu áfram þar en bað hana jafnframat um að nota ekki sitt nafn því því yfirvöld væru á eftir honum. Mildred gerði það og því er Hoxsey meðferð ennþá í boði hjá Bio Medical Clinic í Tuijana í Mexikó. - Fyrir rúmum 33 árum greindist Carol Main í Alaska með krabbamein í Brisi. Læknar þar töldu að með heppni gæti hún lifað 6 mánuði. Eiginkona vinnufélaga mannsins hennar frétti af þessu og þar sem hún hafði fengið bót meina sinna hjá Bio Medical hvatti hún Carol til að fara til Mexikó. Carol átti ekki mikla peninga og taldi sig varla hafa ráð á ferðalaginu og meðferðinni en konan hvatti hana til að hringja allavega í Mildred sem Carol gerði og sagði henni frá greiningu lækna. Mildred sagði henni að koma strax, já en ég á varla peninga fyrir þessu sagði Carol, komdu samt strax sagði Mildred, við athugum með greiðslu síðar. Carol átti peninga sem dugðu fyrir flugi fram og til baka og dreif sig af stað. - Þegar hún hitti Mildred fór hún í rannsókn sem staðfesti rétta greiningu. Mildred lét hana svo hafa 6 mánaða skammt af náttúrulyfi (Hoxsey) ásamt leiðbeiningum um matarrði og bætiefni og sagði henni svo að koma aftur eftir 6 mánuði. Heldur þú að ég verði ekki dáinn þá spurði Carol, nei þú verður ekki dáinn þá sagði Mildred og 6 mánuðum síðar fannst ekkert krabbamein og nú eru yfir 33 ár síðan og Carol Main Lifir enn góðu lífi. Mildred sagði sjálf í viðtali að þau væru með um 80 % líkur á bata og þá ekki bara í orfá ár heldur til verulegrar framtíðar. - Núverandi yfirlæknir Bio Medical Clinic starfaði áður við hefðbundnar krabbameinslækningar, hann var ekki sáttur við árangurinn sem þar náðist og hóf því nám í náttúrulækningum í Mexikó og ver í framhaldi af því ráðinn til Bio Medical Clinic. - Það má lesa nánar um Bio Medical Clinc á heimasíðu á netinu og einnig er hægt að sjá viðtöl og umsagnir á Youtube m.a. við Carol Main.

Lífslíkur fólks með briskrabbamein aukast

Dapurlegir iðnrekendur

    Mikið er það dapurlegt þegar einstakir iðnrekendur kenna íslensku krónunni um vandræði sín. Til dæmis forstjóri Ölgerðarinnar. Vandi Ölgerðarinnar er fyrst og frekst óhófleg skuldsetning. Ég er líka viss um að forstjóri Ölgerðarinnar er feginn því að borga laun í ísl. krónum eins og þau hafa þróast eftir bankahrunið. Vandi Ölgerðarinnar sem og fjölda annarra fyrirtækja væri mun meiri hefðum við haft Evru við bankahrunið. Nóbersverðlaunahafi í hagfræði hefur fullyrt að staða okkar sé nú mun betri en annars væri vegna þess að við höfum krónu en ekki Evru. - En árinni kennir illur ræðari!

 

                                              Heiðar Ragnarsson

Hugo Chávez miðlar málum í Lýbíu

     Það var mikið að einhver sýndi frumkvæði í því að stuðla að friði í Lýbíu. Það kom ekki frá hinu svokallaða og sjálfskipaða "alþjóðasamfélagi", heldur frá Hugo Chávez og Arababandalaginu. Ef Hugo Chávez og Arababandalaginu tekst að stilla til friðar og finna lausn sem deiluaðilar geta sætt sig við er það mikið afrek því þess er að vænta að aðgerðir hans mæti andstöðu og jafnvel fjandskap "Alþjóðasamfélagsins" sem virðist líta á uppreisnina sem kjörið tækifæri til að losna við Gaddafi (og þá skítt með mannfall ?) Auðvitað er best að Arababandalagið leysi þessa deilu ef hægt er, inngrip og afskipti Vesturlanda hafa sjaldan verið til góðs.

                                                          Heiðar Ragnarsson

Vanhugsuð viðbrögð við ástandinu í Líbýu

 

    Stjórnmálaleiðtogar vestan hafs og austan og nú síðast hér á Íslandi, keppast við að lýsa yfir fordæmingu á "aðgerðum Gaddafis gegn almennum borgurum". - Vita þessir stjórnmálamenn ekki að mjög margir þessara almennu borgara eru vel vopnaðir og eru í reynd að taka völdin með vopnavaldi, vel að merkja væntanlega með stuðningi meirihluta landsmanna. - En þegar Gaddafi bregst til varnar er það ekki gegn óvopnuðum borgurum. Auðvitað er stjórnarfar í Líbýu ekki til fyrirmyndar, en halda menn virkilega að þessar ályktanir bæti stöðuna. - Dettur engum stjórnmálamanni í hug að kanna möguleika á að miðla málum milli stríðandi fylkinga svo komist verði hjá mannfalli. Getur kannski verið að mannfall sé aukaatriði hjá mörgum þeirra sem álykta um þetta mál og meira atriði sé að veðja á réttan hest, þ.e. væntanlegan sigurvegara þessara átaka. Ég held að ef "Stórveldin" myndu beita sér fyrir lausn sem deiluaðilar gætu sætt sig við væri hægt að forðast mikið mannfall. En því miður stjórnmálamenn lýsa yfir fordæmingu á árásum á almenna borgara og halda að það og refsiaðgerðir stöðvi Gaddafi. Hvílík mistök.

 

                                                          Heiðar Ragnarsson

Vilhjálm Þ. Vilhjálmsson sem borgarstjóra

Ég hef nú aldrei stutt sjálfstæðisflokinn, utan þess að kjósa Eggert Haukdal í sérframboði á suðurlandi. Og nú er ég félagi í vinstrihreyfingunni grænt framboð. Það breitir ekki því að mér blöskrar hvernig Vilhjálmur Þ. Vilhjálmsson hefur nánast verið lagður í einelti bæði af andstæðingum í borgarstjórn, fréttamönnum og jafnvel félögum sínum í borgarstjórnarflokki sjálfstæðismanna. Allt út af Rei-málinu. Auðvitað er það ekki svo að Vilhjálmur hafi staðið fyrir þessu máli. Þetta var einfaldlega undirbúið í stjórn Orkuveitunnar, REI og hjá Geysi Green Energi. Þar var málið undirbúið og síðan lagt fyrir Borgarstjóra og stjórn Orkuveitunnar og það virðist að bæði Vilhjálmur og fulltrúar samfylkingar í stjórn Orkuveitunnar hafi að einhverju leiti verið blekktir eða að minnsta kosti ekki verið sögð öll sagan. Vilhjálmur hefur í kjölfarið komið hreint fram og beðist afsökunar á sínum mistökum í þessu máli. Ekki verður séð að Borgin hafi skaðast á málinu. - Samt sem áður hamast fyrrverandi Borgarstjóri og oddviti Vinstri-Grænna á þessu máli alla daga og kannski vegna þess að þau hafa ekkert annað á Vilhjálm. Vilhjálmur á nefnilega að baki glæsilegan feril í stjórnmálum og hefur notið virðingar bæði samflokksmanna sinna sem pólitískra andstæðinga. Það er því vægast sagt aumingjalegt ef félagar hans í borgarstjórnarflokki sjálfstæðismanna ætla ekki að styðja hann sem borgarstjóra að ári. - Og fyrst ég er nú birjaður að skrifa um þessi mál finnst mér Ólafur F Magnússon nýr borgarstjóri hafa farið vel af stað og sýnt mun meira andlegt jafnvægi og styrk en forystumenn Samfylkingar og Vinstri-Grænna.